ಸಿಂಧನೂರು: ಬುದ್ದಿಮಾಂಧ್ಯ ವ್ಯಕ್ತಿಗೆ ಕ್ಷೌರ ಮಾಡಿ ಉಪಚರಿಸಿದ ಅಶೋಕ ನಲ್ಲಾ ತಂಡ

ಲೋಕಲ್ ನ್ಯೂಸ್: ಬಸವರಾಜ ಹಳ್ಳಿ
ನಮ್ಮ ಸಿಂಧನೂರು, ಅಕ್ಟೋಬರ್ 07
ಅನ್ನ, ಆಹಾರಕ್ಕಾಗಿ ಊರೂರು ಅಲೆಯುತ್ತಿದ್ದ ಬುದ್ಧಿಮಾಂಧ್ಯ ವ್ಯಕ್ತಿಯೊಬ್ಬರಿಗೆ ಅಕ್ಷಯ ಆಹಾರ ಜೋಳಿಗೆ ಸೇವಾ ಟ್ರಸ್ಟ್ನ ಕಾರ್ಯದರ್ಶಿ ಅಶೋಕ ನಲ್ಲಾ ಮತ್ತು ಅವರ ಸಹಚರರ ತಂಡ ಕ್ಷೌರ ಮಾಡಿ, ಬಟ್ಟೆ ನೀಡಿ ಉಪಚರಿಸುವ ಮೂಲಕ ಮಾನವೀಯ ತೋರಿದೆ.
ಸೋಮವಾರ ತಾಲೂಕಿನ ಹೊಸಳ್ಳಿ.ಇ.ಜೆ.ಕ್ಯಾಂಪ್‌ನಲ್ಲಿ ಅಲೆಯುತ್ತಿದ್ದ ಕೂದಲು ಮಾಸಿದ ಬುದ್ಧಿಮಾಂಧ್ಯ ವ್ಯಕ್ತಿಯೊಬ್ಬರನ್ನು ಗಮನಸಿದ ಟ್ರಸ್ಟ್ನವರು ಆತನನ್ನು ಮನವೊಲಿಸಿ ಕರೆತಂದು ಕ್ಷೌರ ಮಾಡಿದರು. ತದನಂತರ ಆತನಿಗೆ ಮೈತೊಳೆಸಿ, ಬಟ್ಟೆ ನೀಡುವ ಮೂಲಕ ಅನ್ನ, ಆಹಾರ ನೀಡಿ ಉಪಚರಿಸಿದರು. ಕ್ಯಾಂಪಿನ ಯುವಕರಾದ ಶಂಕ್ರಪ್ಪ, ವೀರೇಶ ಮಲ್ಲಯ್ಯ, ಯಲ್ಲಪ್ಪ, ಬಾಲಪ್ಪ, ಪರಶುರಾಮ ಮಾಸ್ತರ, ನಾಗರಾಜಗೌಡ, ಮುತ್ತಣ್ಣಗೌಡ ಸಹಕರಿಸಿದರು. ಟ್ರಸ್ಟ್‌ ನ ತಂಡದ ಸೇವಾ ಕಾರ್ಯಕ್ಕೆ ಸಾರ್ವಜನಿಕರಿಂದ ಮೆಚ್ಚುಗೆ ವ್ಯಕ್ತವಾಗಿದೆ.