ನಮ್ಮ ಸಿಂಧನೂರು, ಅಕ್ಟೋಬರ್ 22
ನಗರದ ಜೈನ್‌ಧರ್ಮ ಶಾಲೆಯಲ್ಲಿ ದಿನಾಂಕ: 12-10-2024ರಂದು ನಡೆದ ಕಳ್ಳತನ ಪ್ರಕರಣಕ್ಕೆ ಸಂಬಂಧಿಸಿದಂತೆ, ಮಿಂಚಿನ ಕಾರ್ಯಾಚರಣೆ ನಡೆಸಿದ ನಗರ ಪೊಲೀಸರು ದಿನಾಂಕ: 20-10-2024ರಂದು ಆರೋಪಿಯನ್ನು ಬಂಧಿಸಿದ್ದಾರೆ. ಬಂಧಿತನಿಂದ 2056 ಗ್ರಾಂ ಬಂಗಾರದ ಆಭರಣಗಳು ರೂ.1,43,92,000 ಹಾಗೂ ನಗದು 40,150 ರೂಪಾಯಿ ಒಟ್ಟು ರೂ.1,44,32,150 ಬೆಲೆ ಬಾಳುವ ಬಂಗಾರದ ಆಭರಣ ಮತ್ತು ನಗದು ಹಣ ಜಪ್ತಿ ಮಾಡಿಕೊಂಡಿದ್ದಾರೆ. ಆಭರಣಗಳ ಕಳ್ಳತನ ಆರೋಪಿ ನಿರ್ಮಲ್‌ಕುಮಾರ್ ಜೈನ್ ಈತನನ್ನು ಪೊಲೀಸರು ಬಂಧಿಸಿದ್ದಾರೆ. ಜಿಲ್ಲಾ ಎಸ್ಪಿ ಪುಟ್ಟಮಾದಯ್ಯ ಹಾಗೂ ಹೆಚ್ಚುವರಿ ಎಸ್ಪಿ-1 ಅವರ ಮಾರ್ಗದರ್ಶನದಲ್ಲಿ ನಗರ ಪೊಲೀಸರು ಕಾರ್ಯಾಚರಣೆ ನಡೆಸಿದ್ದರು.
