ಲೋಕಲ್ ನ್ಯೂಸ್ : ಬಸವರಾಜ ಹಳ್ಳಿ
ಸಿಂಧನೂರು, ಅಕ್ಟೋಬರ್ 12
ದಸರಾ ನಿಮಿತ್ತ ದಿನಾಂಕ:12-10-2024 ಶನಿವಾರ ಸಂಜೆ ನಡೆಯುವ ಜಂಬೂ ಸವಾರಿಗೆ ಗಜರಾಜ ನಗರಕ್ಕೆ ಬಂದಿಳಿದಿದ್ದು, ತಹಸೀಲ್ ಕಾರ್ಯಾಲಯದ ಆವರಣದಲ್ಲಿ ವಿಶ್ರಾಂತಿಗೆ ಬಿಡಲಾಗಿದೆ. ಆನೆಯನ್ನು ಲಾರಿಯೊಂದರಲ್ಲಿ ನಗರಕ್ಕೆ ಕರೆತರಲಾಗಿದ್ದು, ಅದರೊಂದಿಗೆ ಮಾವುತರೂ ಇದ್ದಾರೆ.
ಬೆಳಿಗ್ಗೆಯೇ ಆನೆಯನ್ನು ನಗರದ ತಹಸಿಲ್ ಕಾರ್ಯಾಲಯದ ಕಂಡ ಸಣ್ಣ ಮಕ್ಕಳು, ಯುವಕರಾದಿಯಾಗಿ ದೊಡ್ಡವರೂ ತಂಡೋಪ ತಂಡವಾಗಿ ವೀಕ್ಷಣೆಗೆ ಆಗಮಿಸುತ್ತಿದ್ದಾರೆ. ಬೆಳಿಗ್ಗೆಯಿಂದ ಮಕ್ಕಳ ಗುಂಪೆ ಆನೆಯನ್ನು ಕಂಡು ಚಕಿತ ವ್ಯಕ್ತಪಡಿಸುತ್ತಿದೆ. ಇನ್ನೂ ಪಾಲಕರು ತಮ್ಮ ಮಕ್ಕಳನ್ನು ತಹಸಿಲ್ ಕಾರ್ಯಾಲಯದ ಆವರಣಕ್ಕೆ ಕರೆತಂದು ಆನೆಯನ್ನು ತೋರಿಸುತ್ತಿದ್ದಾರೆ.
ಜಂಬೂ ಸವಾರಿ
ದಸರಾ ಉತ್ಸವ ಸಮಿತಿಯಿಂದ ಈ ಬಾರಿ ಮೈಸೂರು ದಸರಾ ಮಾದರಿಯಲ್ಲಿ ಜಂಬೂ ಸವಾರಿ ಏರ್ಪಡಿಸಲಾಗಿದ್ದು, ಸಂಜೆ ಅದ್ಧೂರಿ ಮೆರವಣಿಗೆ ಇದೆ. “ಬೆಳಿಗ್ಗೆಯೇ ಆನೆಯನ್ನು ಲಾರಿಯಲ್ಲಿ ಕರೆತಂದಿದ್ದು, ಸ್ವಚ್ಛತಾ ಕಾರ್ಯ ಕೈಗೊಂಡು ಮೆರವಣಿಗೆಗೆ ಗಜರಾಜನನ್ನು ಸಿದ್ಧಪಡಿಸಲಾಗುವುದು” ಎಂದು ಮಾವುತರೊಬ್ಬರು ತಿಳಿಸಿದರು.
