ಸಿಂಧನೂರು: ರಸ್ತೆಯಲ್ಲಿ ಅಡ್ಡಾದಿಡ್ಡಿಯಾಗಿ ಓಡಾಡುತ್ತಿರುವ ಬುದ್ಧಿಮಾಂದ್ಯ ಮಹಿಳೆ, ಸವಾರರಲ್ಲಿ ಅಪಘಾತ ಭೀತಿ

ಲೋಕಲ್ ನ್ಯೂಸ್: ಬಸವರಾಜ ಹಳ್ಳಿ
ನಮ್ಮ ಸಿಂಧನೂರು, ನವೆಂಬರ್ 3
ನಗರದ ಕುಷ್ಟಗಿ ಮಾರ್ಗ, ಗಂಗಾವತಿ ಮಾರ್ಗ ಹಾಗೂ ರಾಯಚೂರು ಮಾರ್ಗದ ರಸ್ತೆಗಳಲ್ಲಿ ಬುದ್ಧಿಮಾಂಧ್ಯ ಮಹಿಳೆಯೊಬ್ಬರು ಗೊತ್ತಿಲ್ಲದೇ ಕಳೆದ ಹಲವು ದಿನಗಳಿಂದ ಅಡ್ಡಾದಿಡ್ಡಿಯಾಗಿ ರಸ್ತೆಗಳಲ್ಲಿ ಓಡಾಡುತ್ತಿದ್ದು, ವಾಹನ ಸವಾರರು ಅಪಘಾತ ಭೀತಿ ಎದುರಿಸುತ್ತಿದ್ದಾರೆ. ಮಹಿಳೆ ಡಿವೈಡರ್ ಪಕ್ಕ ಕುಳಿತುಕೊಳ್ಳುವುದು, ಗೊತ್ತಿಲ್ಲದ ಆಗಾಗ ರಸ್ತೆಗೆ ಅಡ್ಡವಾಗಿ ನಿಲ್ಲುವುದು, ಏಕಾಏಕಿ ರಸ್ತೆ ನಡುವೆ ಬರುವುದು ಮಾಡುತ್ತಿದ್ದು, ಇದರಿಂದ ಅಪಘಾತ ಸಂಭವಿಸುವ ಸಾಧ್ಯತೆ ಇದೆ. ನಗರದಲ್ಲಿ ಸೋಮವಾರ ಮತ್ತು ಮಂಗಳವಾರ ವಿಪರೀತ ಟ್ರಾಫಿಕ್ ಇರುವುದರಿಂದ ಇಂತಹ ಸಂದರ್ಭದಲ್ಲಿ ಮಹಿಳೆ ಗಾಡಿಗೆ ಸಿಲುಕಿ ಅಪಘಾತಕ್ಕೀಡಾಗುವ ಅಪಾಯವಿದ್ದು, ಕೂಡಲೇ ಹಾಗಾಗಿ ಸಂಬಂಧಿಸಿದ ಇಲಾಖೆಯವರು ಮಹಿಳೆಯನ್ನು ಬುದ್ಧಿಮಾಂಧ್ಯ ಕೇಂದ್ರ ಇಲ್ಲವೇ ಸಾಂತ್ವನ ಕೇಂದ್ರಕ್ಕೆ ಸೇರಿಸಬೇಕು ಎಂದು ಮನವಿ ಮಾಡಿದ್ದಾರೆ.
“ಭಾನುವಾರ ಮತ್ತು ಸೋಮವಾರ ಮಹಿಳೆ ಕುಷ್ಟಗಿ ರಸ್ತೆ ಮಾರ್ಗದ ಡಿವೈಡರ್ ಪಕ್ಕದಲ್ಲೇ ಕೆಲವೊತ್ತು ಕುಳಿತು ತದನಂತರ ಅಲ್ಲಿಯೇ ಮಲಗಿದ್ದರಿಂದ ಈ ಮಾರ್ಗದಲ್ಲಿ ಓಡಾಡುವ ವಾಹನ ಸಮಸ್ಯೆ ಅನುಭವಿಸಿದ್ದಾರೆ. ಹಾಗಾಗಿ ಸಂಬಂಧಿಸಿದ ಇಲಾಖೆಯವರು, ಯಾವುದೇ ರೀತಿಯ ಅವಘಡ ಸಂಭವಿಸುವ ಮುಂಚೆ ಕ್ರಮಕ್ಕೆ ಮುಂದಾಗಬೇಕು” ಎಂದು ಚಾಲಕರೊಬ್ಬರು ಮನವಿ ಮಾಡಿದ್ದಾರೆ.