ಸಿಂಧನೂರು: ಸಿಪಿಐ(ಎಂಎಲ್) ರೆಡ್‌ಸ್ಟಾರ್ ಪಕ್ಷದಿಂದ ‘ಸಿಡಿದೇಳು ಕರ್ನಾಟಕ’ ಪ್ರಚಾರಾಂದೋಲನ

ನಮ್ಮ ಸಿಂಧನೂರು, ಎಪ್ರಿಲ್ 27
ಸಿಪಿಐ(ಎಂಎಲ್) ರೆಡ್‌ಸ್ಟಾರ್ ಕರ್ನಾಟಕವು, ಕೊಪ್ಪಳ ಲೋಕಸಭಾ ಕ್ಷೇತ್ರ ವ್ಯಾಪ್ತಿಯಲ್ಲಿ ‘ಸಿಡಿದೇಳು ಕರ್ನಾಟಕ’ ಪ್ರಚಾರಾಂದೋಲನ ಆರಂಭಿಸಿದ್ದು, ಫ್ಯಾಸಿಸ್ಟ್ ಆರ್‌ಎಸ್‌ಎಸ್ ಬಿಜೆಪಿಯನ್ನು ಸೋಲಿಸಿ ಎಂದು ಸಾರ್ವಜನಿಕರಿಗೆ ಕರೆ ನೀಡಿದೆ. “ಫ್ಯಾಸಿಸ್ಟ್ ಆರ್‌ಎಸ್‌ಎಸ್ ಬಿಜೆಪಿಯನ್ನು ಸೋಲಿಸಿ ! ಏಕೆಂದರೆ ? ಸಂವಿಧಾನ ವಿರುದ್ಧ-ಮನುಸ್ಮೃತಿ !, ಇಂಡಿಯಾದ ವಿರುದ್ಧ ಹಿಂದೂ ರಾಷ್ಟ್ರ !, ಅಂಬೇಡ್ಕರ್ ವಿರುದ್ಧ-ಸಾವರ್ಕರ್ !, ಪ್ರಜಾಪ್ರಭುತ್ವದ ವಿರುದ್ಧ ಫ್ಯಾಸಿಸಂ !, ಶ್ರಮಶಕ್ತಿ ವಿರುದ್ಧ -ಬಂಡವಾಳ !” ಎಂಬ ಬರಹವುಳ್ಳ ಪೋಸ್ಟರ್ ಅನ್ನು ಪಕ್ಷದ ಮುಖಂಡರಾದ ಎಂ.ಗಂಗಾಧರ ಅವರು ಶನಿವಾರ ಬಿಡುಗಡೆ ಮಾಡಿದ್ದಾರೆ. ಸಂವಿಧಾನ, ಪ್ರಜಾಪ್ರಭುತ್ವ, ಜಾತ್ಯತೀತತೆ ಹಾಗೂ ಮೀಸಲಾತಿಯನ್ನು ರಕ್ಷಿಸಲು ಮತದಾರರು ಬಿಜೆಪಿಯನ್ನು ಸೋಲಿಸಬೇಕು ಎಂದು ಅವರು ಮತದಾರರಲ್ಲಿ ಮನವಿ ಮಾಡಿದ್ದಾರೆ.